Gandhinagar : ગુજરાત રાજ્યના મહિલા અને બાળ વિકાસ વિભાગ દ્વારા Gandhinagar ખાતે આવતીકાલે વિશેષ “મહિલા સંમેલન”નું આયોજન કરવામાં આવ્યું છે. આ કાર્યક્રમમાં રાજ્યની મહિલા અને બાળ વિકાસ મંત્રી શ્રીમતી ભાનુબહેન બાબરીયા અધ્યક્ષતા કરશે. સંમેલનનું મુખ્ય ઉદ્દેશ રાજ્યની મહિલાઓને સશક્ત બનાવવાનો છે અને વિવિધ સરકારી યોજનાઓ અંગે જાગૃતિ ફેલાવવી છે.
મહિલાઓના સર્વાંગી વિકાસ માટે ગુજરાત સરકારનો પ્રયત્ન :
આ સંમેલનમાં મહિલાઓના વિકાસ માટેની વિવિધ યોજનાઓ જેવી કે “વ્હાલી દીકરી યોજના”, “મહિલા સ્વાવલંબન યોજના”, અને “અંગણવાડી સેવાઓ” અંગે માહિતી આપવામાં આવશે. સાથે જ, મહિલાઓના આરોગ્ય, શિક્ષણ અને આત્મનિર્ભરતા અંગે ચર્ચાઓ યોજાશે. કાર્યક્રમમાં વિવિધ ક્ષેત્રોમાં ઉત્કૃષ્ટ કામગીરી કરનાર મહિલાઓને સન્માનિત પણ કરવામાં આવશે.
મહિલા અને બાળ વિકાસ વિભાગ દ્વારા આ સંમેલનનું આયોજન મહિલાઓને પ્રોત્સાહન આપવાનું અને તેમને સમાજમાં સશક્ત સ્થાન આપવાનું એક પગલું છે. આવા કાર્યક્રમો દ્વારા મહિલાઓમાં આત્મવિશ્વાસ વધે છે અને તેઓ પોતાના હક્કો અને અધિકારો અંગે વધુ જાગૃત બને છે.
આ સંમેલન મહિલાઓ માટે એક મહત્વપૂર્ણ મંચ સાબિત થશે, જ્યાં તેઓ પોતાના વિચારો અને અનુભવ શેર કરી શકશે અને નવી માહિતી મેળવી શકશે. મહિલાઓના સર્વાંગી વિકાસ માટે રાજ્ય સરકારના પ્રયાસો પ્રશંસનીય છે.
આર્થિક સહાય યોજનાનાં મંજુરી હુકમનું વિતરણ કરવામાં આવશે :
રાજ્ય સરકારે કન્યા કેળવણી, બેટી બચાવો બેટી પઢાવો અભિયાન, સ્ત્રી ભ્રૂણહત્યા નિવારણ, મહિલાઓના સંરક્ષણ હેતુ વિવિધ કાયદાઓનું અનુપાલન તથા વિવિધ મહિલા કલ્યાણકારી યોજનાઓના યોગ્ય અમલીકરણ થકી નારીઓના ઉત્થાનમાં યોગદાન આપ્યું છે. આવતીકાલે સાંજે ૫ કલાકે ભારત સરકાર પુરસ્કૃત સખી વન સ્ટોપ સેન્ટર-ખેડાના નવ નીર્મિત ભવનનું ઈ-લોકાર્પણ, ગુજરાત મહિલા વિકાસ પુરસ્કાર વિતરણ, વહાલી દીકરી યોજનાના મંજુરી હુકમનું વિતરણ, ગંગા સ્વરૂપા પુનઃલગ્ન આર્થિક સહાય યોજનાનાં મંજુરી હુકમનું વિતરણ કરવામાં આવશે.
આવી જ તમામ ખબરો થી જાણકાર રહેવા માટે અમારી સાથે જોડાયા રહો….